قبل البدء :
القصيدة من كلماتي .. بالعامية
/
تربـّع واجلس بقلبي على قلبي ..ولاتشقا
رحمْك الله يا وقتٍ .. عجز يجمع بـ ايادينا
أحبك .. ايه احبّك طول ماهذي السما زرقا
اغيبك مع جنون الموج وارجعلك على المينا
حبيبي وانت واعدني .. بتبقى ! يعني بتبقى
وش اللي غيّرك قلي ! عسى محدٍ حكى فينا
رحلت وغمّضت عيني عليك وطارت الورقا
ذكرتك وانكسر قلبي على سكّة خطاوينا
تحرّيتك على متن الجموح /السابق/ الطرقا
وسولفتك حكايه .. للنجوم اللي تخاوينا
قسم بالله ابيك وما طرالي قبلك .. الفرقا
يخلف الله على قلبي بعدْك .. ولايخلينا
حبيبي والدموع الكذب تاخذ مده .. وترقى
وانا دمعي على جفني .. وانا وياه ناسينا
احبك كل مابان الصباح الطاهر / الانقى
واحبك .. كل ماحنّت على اللقيا .. محانينا
.
.
[ تحياتي ]
